कलानिधि दाहालनिकम्मा भेडाहरूको जमघट !!
पानी र तेज दुवै निख्रेर जवानी खुस्के पनि मनको मदानी घुमाएर सुदूर पूर्वी क्षितिजको एउटा लाजै पचेको नकच्चरो साँढ-भेडो भर्खर भेडाको राजधानी काठमाडौँ छिरेको छ ।
चेतनाशून्य यो साँढ
गजधम्म
अग्लो ढिस्कोमाथि
छ- बसेको
भेडाभेडीहरू
चरन चरनमा छन्
निदाएको छ- मस्त ऊ
चिच्याउँछन्- भेडाभेडीहरू
ऊ
आँखा उघार्छ
अर्कै वथानका वैँसालु भेडीहरू
एकाएक आँखासामु
अचानक परे भने
एकछिन् हेर्छ
फेरि लोलाउँछ
सदावहार
हेर्न
हेरिरहन त
नानीमा पानी हुनुपर्छ
तेज हुनुपर्छ
पानी र तेज दुवै निख्रेर
जवानी खुस्के पनि
मनको मदानी घुमाएर
सुदूर पूर्वी क्षितिजको
एउटा
लाजै पचेको नकच्चरो
साँढ-भेडो
भर्खर
भेडाको राजधानी
काठमाडौँ छिरेको छ ।
०००
काठमाडौं
Subscribe
Login
0 Comments
Oldest
