नेपाली हास्यव्यङ्ग्य अनलाइन पत्रिका

टङ्कराज ढकाल तितेपाती :

स्खलित छ सताउन जलाइयो लौ यता
गलित छ फसाउन लुकाइयो खै कता
कपट धमिलो कर लगाइयो खै कता
अलमल बनाउन कता गयो खै कता ।१

छलफल भयो किन गरे यता एकता
झलमल छ सूर्य त ढले गले ए कता
दिगमिग रसातल पुगे दले को कता
भ्रमित कमिला हुल कता भयो एकता ।२

रजगज प्रशासन हुँडारको एकता
दलबल घुसाउन छ श्यालको एकता
अविरल झरीबिच उदाउने ए कता
सविनय गुलाम छ कता गयो एकता ।३

अधिक छलको बल सुनाइयो खै कता
कलुष दल मादल बजाइयो लौ यता
खुसुखुसु छ निणर्य गराइयो खै कता
लुटुपुटु छ आलय लदाइयो एकता ।४

सदन छ त निर्भय हुलेर सङ्घीयता
दलबदल तिब्र छ छलेर धामा कता
अतिशय छ रोदन मिलेर ढाँट्यौ यता
प्रतिशत समागम निलेर आयौ कता ।५

विगलित थियो मन उडानमा छौ कता
प्रचलित कुशासन कुवेर छायौ यता
असहज भयो किन बजारमा शुष्कता
खल हृदय बिझ्छ र हतारमा एकता ।६

०००
नवलपुर