नेपाली हास्यव्यङ्ग्य अनलाइन पत्रिका

कलानिधि दाहाल :

काला
तिखा
केही नभएजस्ता
जति सर्यो त्यति
झपक्क हल्लने
कालो छाता ओढेको
खुङ्खार अपराधी
तर भद्र पुरुषजस्तै बनेर
ढलक्ढलक
बाटामा ढल्किरहेछन्
-झुसिल्किराहरू !
जिउ सानो
रौँहरू नरम
ओढ कालो
दाँत देखउन्नन्
देखे आँखा रमाउने
मनको इशारा चाहने
मस्तिष्क
यसै पनि लोभी न हुन्
हातले
थपक्क आदेश मानेपछि
आश्चर्य मान्नै पर्दैन
जिब्रोबाट अमृत चुहेर
मनमा नअटेको
विषको घैँटो फुटाउँदै
-घरपरिवारमा
-छरछिमेकमा
-समाजसौजन्यमा
-देशदेशावरमा
अझ पर फैलिदै
विराट् विश्वसम्म दौडको
-घरअपराधीझैँ
-ग्रामअपराधीझैँ
-झोलेटोले अपराधीझैँ
-नेताकार्यकर्ता अपराधीझैँ
-निरङ्कुश तानाशाह
-जह्लाद अपराधीझैँ
वन फाँडेर
धन नाँस्ने
-अदेख अपराधीझैँ
सर्वत्र काला रौँ ठड्याएर
-कालकुट अपराधीझैँ
मुन्टो उठाएर
बन्दूकको नाल खुल्ने
-माओगीत गायक अपराधीझैँ
बुट्टावृक्षमा अग्लिरहेछन्
-झ्यायझुसिल्किराहरू!
घरमुली झुसिल्किरो
-परपत्नी पल्किरहेछ
टोलेझोले झुसिल्किरो
-मानवतस्कर जाम थुप्रिरहेछ
देशदेशावरको झुसिल्किरो
-अदेख फटेङ्ग्रो उफ्रिरहेछ
विराट्विश्व झुसिल्किरो
-कनजलपेट्रियोट पड्किरहेछ
विश्वास बिथोल्ने झुसिल्किरो
मिदास बनेर मित्रजस्तै
-धनलोभ चास्नी चुस्करहेछ
नदेखे ठिकै छ
देख्नु भो भने
सज्जनहरू!
मित्रभलादमीहरू!
कालो कम्मल बेरेर
सेता हातका पन्जामा
झुसहरू
यसरी रगड्नोस्
न मनमानसको झुसिल्किरो
रौँ उचालेर
-पन्जा बिझ्न पाउँछ
न मुख बाएर
-र्याल पोत्न पाउँछ
न खुट्टा तानेर
-विष फैलन पाउँछ
न पात छिद्रा पारेर
-प्रदुषण पोख्न भ्याउँछ
झुसिल्किरो
शरीरले कालो होस्
वा गोरो
नाताले बाबू होस्
वा छोरो
पति होस्
वा मोरो
सहोदर दिदीबैनी होस्
वा टीका पहिरेकी भगिनी
कुनै कसैको
-जातथर हुन्न
-आडभरोसा भर पनि हुन्न
देखे सतर्क !
भेटे कालो कमलपन्जा
मुख थिच्नोस्
शरीर मिच्नोस्
नजिक परे
पर फाल्नोस्
अभिशप्त हुन्छन्
सधैँ
सबै असलका लागि
-यी झुसिल्किराहरू !!

०००
कलेकुटी, काठमाडौं