साइबर अपराध सम्बन्धी सचेतना सामग्री

आदि हौ यस अर्थमा !!

कवि नै गाइने चम्चा चाकरीमा झरी तल पाऊँ केही गुलामीका छन् सारै तुच्छ चन्चल ! स्वाभिमान तिमीभित्र भएको यो कलाघर के बुझ्लान् लम्पटाकार भ्रष्टका बनी पुच्छर ?

Nepal Telecom ad

कलानिधि दाहाल

भानु ! भानु !! तिमी भानु !!! व्यङ्ग्यनायकका शिर
मर्यादित पताकामा तूफानी तालुमुन्तिर !
छाड्ने संस्कारका रानी बने पत्नी गजाधर
विस्मृति पौरुषी बिम्ब उनै पति गजाधर !!

भ्रष्ट हाकिमका लाम्टा लुछ्ने जेल तिमी बसी
गायकमा यता लामखुट्टे कलमको दसी !
देख्यौ गन्धर्भका नृत्य उपियाँमा कला छरी
दियौ झापड व्यङ्ग्योक्ति शब्दभाव भरी भरी !!

कल्पनाका तिमी जादू पहिलो हौ कला घर
निर्भयी रामसंसार वक्षका हौ तिमी चर !
कुमारी चोकले तिम्रो व्यङ्ग्यतीर तिखो भयो
अग्ल्यो साहसको थुम्को कलाकार तिखारियो !!

शालीन व्यङ्ग्यमा बोक्यौ लयधार चढे धुरी
स्वादु जिब्रा भए चट्ट गर्न लागे चुरीफुरी !
तोतेमा लड्किए शब्द थोते थर्थर ओठले
तिम्रा भाषा टिपी गाए जाँता हाँता र गोठले !!

देश हारे निराशाले वीरता खुम्चियो मन
अध्यात्म रामआस्थाले अड्यायौ सब धड्कन !
कैकेयी क्रूरता बिम्ब अझ रावण दानव
विजेतामा दियौ धक्का सोझ्यायौ मनमानव !!

प्रतीकका अझै खम्बा हौ हैम हिमका चुली
रहुन्जेल धरा तिम्रो तिम्रै रहन्छ खुल्दुली !
विराट् विश्व दियौ चेत धरा नै एक हो घर
मूर्खले जित्दछन् युद्ध हार मानव सुन्दर !!

राज्य हारेर के भो खै राम अग्ले हिमालय
जित्ने कैकयका आँसु बने रौरव आलय !
हार्ने सीता बनिन् नानी ज्योति दूरदराजकी
जित्ने रावणको लङ्का भयो भस्म विनाशकी !!

उन्मादले सधैँ मान्छे मान्छे नै झर्छ यो तल
समताभित्रको झिल्को ज्योति बल्दछ उज्वल !
तिम्रा व्यङ्ग्य भरी आए सन्देश झरना झरी
तर बुझ्छन् कति मान्छे भानु यो अलकापुरी !!

कवि नै गाइने चम्चा चाकरीमा झरी तल
पाऊँ केही गुलामीका छन् सारै तुच्छ चन्चल !
स्वाभिमान तिमीभित्र भएको यो कलाघर
के बुझ्लान् लम्पटाकार भ्रष्टका बनी पुच्छर ??

०००
कलेकुटी, काठमाडौं

Subscribe
Notify of
guest

0 Comments
Oldest
Newest Most Voted
Nepal Telecom ad
कुरूप हुन्न सुन्दर !!

कुरूप हुन्न सुन्दर !!

कलानिधि दाहाल
हुर्काऊँ नवपध्दति !!

हुर्काऊँ नवपध्दति !!

कलानिधि दाहाल
जङ्गली समाज !!

जङ्गली समाज !!

कलानिधि दाहाल
लेखबहादुर

लेखबहादुर

नन्दलाल आचार्य
चम्चाको चमत्कार

चम्चाको चमत्कार

डा. बमबहादुर जिताली
ऐ जिन्दगी ! खबरदार !

ऐ जिन्दगी ! खबरदार...

लक्ष्मण नेवटिया
चैतकाे बाँदर

चैतकाे बाँदर

रामप्रसाद पन्थी
0
Would love your thoughts, please comment.x
()
x