नेपाली हास्यव्यङ्ग्य अनलाइन पत्रिका

खगेन्द्र नेउपाने :

साँच्चै
शिक्षक भनेको डुङ्गा रहेछ
काठको डुङ्गा
सग्लो छन्जेल
वारिपारि गरिरहन्छ
र
चुहिन थालेपछि
किनारामा फालिन्छ
भत्किंदै जान्छ भत्किंदै जान्छ
उदाङ्गो भएर रित्तो आकाशतर्फ फर्केर
थोते हाँसो हाँस्दै भत्किँंदै जान्छ
पारिबाट नयाँ डुङ्गा चढेर आउने
मालिकका कुकुरहरू
भत्किएको डुङ्गामा जल चढाउँछन्
किनकि
मालिकहरुसँगै
पद, पावर, प्रतिष्ठा र पैसा छ ।

०००
गौरादह, झापा ।