नेपाली हास्यव्यङ्ग्य अनलाइन पत्रिका

खगेन्द्र नेउपाने :

तिम्राे परमेश्वरले तिमीलाई बनायाे
मेराे ईश्वरले मलाई बनायाे
तर कसरी उस्ताउस्तै बनायाे ?
तर कसरी एउटै दुरुस्तै बनायाे ?

तिम्रो रगतमा बगेकाे रक्त चरित्र जस्तै
मेराे रगतमा पनि त्यही बगिरहेछ
तिम्रो फाेक्साेका दुई फब्ल्याँटा
मेराे पनि त्यही रहेछ
तर म मेराे घरकाे बार्दलीबाट
तिम्राे परमेश्वरलाई गाली गरिरहेछु
तिमी पनि तिम्रै घरकाे काैसीबाट
मेराे भगवानलाई सैतान भन्दैछाै
हामी एकअर्कालाई घाेच्दैछाैं
हामी एकअर्कालाई बिथाेल्दैछाैं

तिम्राे परमेश्वरले तिमीलाई मेरा विरुद्ध बनायो
मेराे भगवानले मलाई तिम्रा विरुद्ध बनायाे
तर कसरी उस्ताउस्तै बनायाे ?
तर कसरी एउटै दुरुस्तै बनायाे ?

०००

गाैरादह, झापा