नेपाली हास्यव्यङ्ग्य अनलाइन पत्रिका

खगेन्द्र नेउपाने :

दुई चार अदुवाका टुक्राहरु टाेकियाे
बिटुलाे पारिएन भान्छा ।
बाबुकाे सराद्धेकाे अघिल्लाे दिन
बिना सितन नै काम चलाएँ कान्छा !

कपाल काटिएकै थियाे
पितृलाई ढाँटिएकै थियाे
छलीछलीकन कागतीकाे टुक्रा चाटिएकै थियाे
सुरुप्प घैलेस्वरकाे आचमनीय दिएपछि
भनें यतिले नै आजलाई मन मान्छ
बाबुकाे सराद्धेकाे अघिल्ला दिन
विना सितन नै काम चलाएँ कान्छा !

हुनत बा ज्युँदाे हुँदा नै याे सिकिएकाे हाे
आँच ब्राे र यार भाइमा बिकिएकाे हाे
नक्कली आधुनिकतामा टिकिएकाे हाे
तर त्याे भित्र थियाे
कसैले थाहा नपाउँने मित्र थियाे
बासम्म यसकाे गन्ध गएन
जिउँदो छन्जेल बा ले चालपाउनु भएन ।

जिउँदो छन्जेल बा भन्नुहुन्थ्यो
बुझिराख नानी
कहिले पनि नखानु है खरा पानी
ठूलाे मान्छे बन्नुपर्छ
तर बा ! चट्ट नलाइकन काेही ठूलाे मान्छे बन्दैन
विदेशी रङ्ग नचढाई यहाँ कसैले पनि गन्दैन
यही कुराले मन बहलाएँ कान्छा !
बाबुकाे सराद्धेकाे अघिल्लाे दिन
बिना सितन नै काम चलाएँ कान्छा !

०००
गाैरादह, झापा