बिन्दु दहाल ‘मूकदर्शक’गोरु ब्याए
विज्ञानलाई पनि फेल ख्वाए थारै बसे गौ तर गोरु ब्याए । संस्कार सक्ने धमिराहरू छन् ढिस्का उठाए गिरिशैलझैँ झन् नाराहरूमा दरबार चल्छ झुप्राहरूमा अनिकाल जल्छ ।
बिन्दु दहाल ‘मुकदर्शक’ :
कामै नलाग्ने पदमा बसेका
बाक्लो खरानी तिनले घसेका
फेरी लगाई नित गाउँ डुल्छन्
गोही छुचुन्द्रा घरभित्र हुल्छन् ।
बोल्दैन मान्छे तर बोल्छ पैसा
जोगी पुरानै धनधान्य ऐसा
बिक्छन् युवा यी युवती मजाले
काला चमेरा नित उड्न थाले ।
यो घाम कालो अनि जून कालो
बत्ती निभाएपछि झन् उज्यालो
विज्ञानलाई पनि फेल ख्वाए
थारै बसे गौ तर गोरु ब्याए ।
संस्कार सक्ने धमिराहरू छन्
ढिस्का उठाए गिरिशैलझैँ झन्
नाराहरूमा दरबार चल्छ
झुप्राहरूमा अनिकाल जल्छ ।
छ्या लाजमर्दो गजको छ ताँती
छन् माउते झन् असती नजाती
माडेर बाली धनसार खाए
नेपाल खोक्रो यिनले बनाए ।
०००
दमक, झापा
Subscribe
Login
0 Comments
Oldest
