खगेन्द्र नेउपानेजतातिर हरियाे छ त्यतैतिर चर्नुपर्छ
आजभोलि राजनीति त अवसरकाे खेती भयाे चाटाचाट र काटाकाटकाे कामै मात्रै तेती भयाे जस्लाई पनि अघि बढ्न बेइमानी नै गर्नुपर्छ जतातिर हरियाे छ त्यतैतिर चर्नुपर्छ ।
खगेन्द्र नेउपाने :
अवसरकाे खेती राम्राे बीउ छर्दै गर्नुपर्छ
सरेक कतातिर पर्छ अघिपछि सर्नुपर्छ
बलियाे बन्न कहाँ त्यति सजिलाे त हुन्छ हजुर !
जतातिर हरियाे छ त्यतैतिर चर्नुपर्छ ।
कहिले यता यता भन्दै दगुरेर कुद्नु पर्छ
कहिले उता पाे त राम्राे भन्दै फेरि जुध्नुपर्छ
सिद्धान्त र आदर्शकाे चण्डिपाठ नि गर्नुपर्छ
जतातिर हरियाे छ त्यतैतिर चर्नुपर्छ ।
लुकीलुकी तलका र माथिकालाई भेट्नुपर्छ
अस्ति रट्या छाडा डाइलग भागबण्डाले मेट्नुपर्छ
चाप्चाप् चुप्चुप् थम्थाम् थुम्थुम् गर्दै पनि गर्नुपर्छ
जतातिर हरियाे छ त्यतैतिर चर्नुपर्छ ।
आजभोलि राजनीति त अवसरकाे खेती भयाे
चाटाचाट र काटाकाटकाे कामै मात्रै तेती भयाे
जस्लाई पनि अघि बढ्न बेइमानी नै गर्नुपर्छ
जतातिर हरियाे छ त्यतैतिर चर्नुपर्छ ।
०००
गाैरादह, झापा
Subscribe
Login
0 Comments
Oldest
