डा. खगेन्द्रप्रसाद दाहालनाटकै नाटक
छ कतैतिर जोकरको बखडा घरको शिर मालिक बन्न बडा जब दर्शकमा स्वर गुन्गुन भो पटमा उपनाटक मन्थन भो ॥
डा. खगेन्द्रप्रसाद दाहाल :
कति हो कति नाटक देख्नु पर्यो
खल पात्र हिरोसँग साट्नु पर्यो
मुटु वक्ष थिची दुख खप्नु पर्यो
घरका परका पिर थप्नु पर्यो ॥
घरको झगडा परको छ कथा
असमर्थ छलीसँगको छ कथा
सब दर्पणमा पट खिप्नु पर्यो
र यथार्थ मिलाउन सिक्नु पर्यो ॥
छ कतैतिर जोकरको बखडा
घरको शिर मालिक बन्न बडा
जब दर्शकमा स्वर गुन्गुन भो
पटमा उपनाटक मन्थन भो ॥
पर हेर्दछ शत्रु बसी रमिता
पटमा खल सार्छ यता र उता
तब बन्न सकेन कुनै कविता
कसरी प्रिय बन्दछ लौ भविता ॥
०००
झापा
Subscribe
Login
0 Comments
Oldest
