डा. खगेन्द्रप्रसाद दाहालझटाराहरू सोझियून् लक्ष्यतर्फ
मसीमा छ हाँसो सँगै बग्छ आँसु बढेका बढ्यै छन् बडेमा पिपासु चलेका चल्यै छन् छलीका कुतर्क झटाराहरू सोझियून् लक्ष्यतर्फ ॥
डा. खगेन्द्रप्रसाद दाहाल :
सबै फेरियो भन्दछन् फेरिएन
अरू फेरिएझैँ मियो फेरिएन
ढुसी स्वार्थको भित्र बढ्दो छ बर्फ
झटाराहरू सोझियून् लक्ष्यतर्फ ॥
अझै युग्म उल्टा धकेल्ने कुरा छन्
छुरातुल्य लाग्ने कुरा बेसुरा छन्
पुरून् लेखनीले ठुला धार गर्त
झटाराहरू सोझियून् लक्ष्यतर्फ ॥
सिँगारी गधा चट्ट गाई बनाए
कुही आज सर्वत्र आफैँ गनाए
कुरा सत्य खोल्ने घुमून् तीव्र चर्खा
झटाराहरू सोझियून् लक्ष्यतर्फ ॥
मसीमा छ हाँसो सँगै बग्छ आँसु
बढेका बढ्यै छन् बडेमा पिपासु
चलेका चल्यै छन् छलीका कुतर्क
झटाराहरू सोझियून् लक्ष्यतर्फ ॥
सबैका कथाभित्र लुक्छन् बिहाल
यहाँ चाहिएको छ आँधी विशाल
कला दाहिने भै बनाऊन् सतर्क
झटाराहरू सोझियून् लक्ष्यतर्फ ॥
०००
झापा
Subscribe
Login
0 Comments
Oldest
