नेपाली हास्यव्यङ्ग्य अनलाइन पत्रिका

भगवतीप्रसाद शर्मा :

ढाँट्नेलाई शुभ समय के मूर्खलाई बचाऊ ।
हाम्रो मूर्ख्याइँ न छ असली योग्यता मुख्य नाउ ।
साँचो बोली हरदम गरौँ हुन्छ राम्रो टिकाउ ।
ढाँट्ने मान्छे क्षणिक मुखका मात्र हुन्छन् बिकाउ ॥१

ढाँटी राखे असफल भई हुन्छ बद्नाम सारा ।
बोली पक्का मनुज बिचमा छैन खानेछ मार
सच्चा बोली जब तक भयो हुन्छ राम्रो मनुष्य ।
यस्ताको नै पछि पनि भलो हुन्छ राम्रो भविष्य ॥२

राम्रो मान्छे कहलिन सके योग्यता हुन्छ हाम्रो ।
दोषी आफू मन वचनको बन्न खोज्दा नराम्रो ।
साँचोको इज्जत दिनहुँ नै राख्छ हाम्रो समाज ।
ढाँट्ने मान्छे परपर हुने शत्रु ठान्छन् समाज ॥३

कस्ताकस्ता दिवस पनि छन् धूर्तलाई इनाम ।
ढाँट्नेलाई गलत नभने हुन्न दोषी हिनाम ।
भन्छन् आजै अप्रिलफुल रे ढाँट साथी मजाले ।
ठूलो घाटा जब हुन पुगे बाबु! ठोक्नू गजाले ॥४

छाला काढ्छन् गलत गरिए झूटको बात गर्दा ।
मान्छे बाँचे सरह नहुने घातको काम गर्दा ।
झूटो बोली असत गरिँदा हुन्न राम्रो कसैको ।
राम्रो बानी सत वचनले प्यार मिल्छन् सबैको ॥५

झूटो मान्छे नफरत हुने चाहना राख्नु हुन्न ।
झूटो खेती असफल हुने सान्त्वना पाइँदैन ।
आजै हाम्रो अप्रिलफुल हो हुन्न केही भनेर ।
ढाँट्नू राम्रो पनि त नहुने बुझ्नु है एकफेर ॥६

०००
खोटाङ

इलस्ट्रेसन : नागरिक न्युज