मुक्तिनाथ शर्माबेथा नउल्टिए हुन्थ्याे
नाङ्गिने साेच्न खाेज्दैन कति थुकें र नाङ्गिएँ हाेसै भएन कि क्या हाे कि हुस्सु भइ बिग्रिएँ देख्ने बुझ्नेहरू हाँस्छन् हाँसेर पनि के भयाे बेथा नउल्टिए हुन्थ्याे उल्टेला त्रास भै रह्याे ।।
मुक्तिनाथ न्याैपाने :
लेखाैं लेखाैं भएकाे छ हाम्रा नेताजीका कथा
लेख्न पाइन्छ पाइन्न राम्रा नेताजीका कथा
भन्छन् नेताहरू हाम्रा नाङ्गा धेरै भइसके
काेही पूर्णाङ्ग नाङ्गिए अर्ध नाङ्गा पनि भए ।।१।।
उभाे फर्केर थुक्छन् क्वै फर्कन्छ त्याे मुखैभरी
थाहै पाउन्न थुक्नेले थुकीरन्छ घरी घरी
थुकेकाे फर्कने गर्छ अनुहार भिजाउछ
बिराेधी हेर्छ हेरेर हा हा गर्दै गिज्याउछ ।।२।।
नाङ्गिने साेच्न खाेज्दैन कति थुकें र नाङ्गिएँ
हाेसै भएन कि क्या हाे कि हुस्सु भइ बिग्रिएँ
देख्ने बुझ्नेहरू हाँस्छन् हाँसेर पनि के भयाे
बेथा नउल्टिए हुन्थ्याे उल्टेला त्रास भै रह्याे ।।३।।
०००
नयाँवानेश्वर, काठमाडाैं
Subscribe
Login
0 Comments
Oldest
