मुक्तिनाथ शर्मायो घर कसको ?
गुण्डै गुण्डा बिचमा बस्छ ढुक्क सितमा धेरै स्वास्नी राख्छ त्यो दिउसै रात पार्छ त्यो । यो घर कस्को लालेको घर चाहिँ राम्रो सालेको बुद्धिमा बिर्को लाएको युद्ध जित्दै आएको ।
मुक्तिनाथ शर्मा :
यो घर कस्को लालेको
भित्र बाहिर टालेको
पक्की छानु हालेको
फोहोर उठाइ फालेको ।१।
मैन बत्ती बालेको
बारीका रुख ढालेको
हाँङ्गा बिङ्गा बालेको
फलफूल बिरुवा पालेको ।२।
फूल केही फुलेका
मौरी आई डुलेका
इष्ट मित्र ठूलेका
रमाइ रमाइ भुलेका ।३।
यो घर कस्को लालेको
देशमा पक्कड डालेको
शासन सत्ता उसैको
रासमा सुत्छ घुसैको ।
त्रास उस्लाई हुदैन
कानूनले छुदैन
घरभाडामा लगाउछ
हाकिमलाई सगाउछ ।४।
गुण्डै गुण्डा बिचमा
बस्छ ढुक्क सितमा
धेरै स्वास्नी राख्छ त्यो
दिउसै रात पार्छ त्यो ।५।
यो घर कस्को लालेको
घर चाहिँ राम्रो सालेको
बुद्धिमा बिर्को लाएको
युद्ध जित्दै आएको ।६।
०००
बानेश्वर, काठमाडौं
Subscribe
Login
0 Comments
Oldest
