नेपाली हास्यव्यङ्ग्य अनलाइन पत्रिका

अमर अधिकारी :

मोबाइलमा व्यस्त हुँदा घरै अस्तव्यस्त
मोबाइले नै दिनेगर्छ धेरै दुःख कस्ट

काम नभए नि बोक्नुपर्ने सबले हात हातमा
कोही हुन्छन् फेसबुकमा कोही हुन्छन् बातमा

धेरै मोबाइल चलाएमा हुनेगर्छ ह्याङ्ग
छोरो रिसाई दराजमा ठोक्छ ढ्याङ्गढ्याङ्ग

भात डढ्यो तिहुन डढ्यो दाल पनि डढ्यो
श्रीमान् र श्रीमतीको मतभेद नै बढ्यो

श्रीमान् अफिस जान्छन् कामै सरकारी
घर फर्कँदा ल्याउने गर्छन् केही तरकारी

फोटो खिच्न बरण्डामा कैलेकाहीँ छतमा
काम सबै बिग्रिन्छ नि मोबाइलको लतमा

हेल्लाे गर्दा हाइ भन्छ याे माेबाइल ठाँडाे
भाँडाे थियाे उपयाेगी तर बन्याे घाँडाे ।

०००
बुढानिलकण्ठ, काठमाडौँ।