बिन्दु दहाल ‘मूकदर्शक’कंस एक
यी कर्मचारी सब हात लिन्छु को शत्रु मेरा सब झट्ट चिन्छु मेरा कुरा लेखक हो नलेख यो देश लुट्ने म हुँ कंस एक । यी कर्मचारी सब हात लिन्छु को शत्रु मेरा सब झट्ट चिन्छु मेरा कुरा लेखक हो नलेख यो देश लुट्ने म हुँ कंस एक ।
बिन्दु दहाल ‘मूकदर्शक’ :
पेवा बनाएँ गणतन्त्र आज
के नाप्न सक्छौ दुनियाँ समाज
तिम्रा कुराले म भएँ उदेक
यो देश लुट्ने म हुँ कंस एक ।
सत्ता र भत्ता पहिचान मेरा
पार्ने छु सारा जनता अँध्यारा
मेरा कसैले पथ ती नछेक
यो देश लुट्ने म हुँ कंस एक ।
यी तालखोला सब बेचिदिन्छु
उड्ने अनौठो म जहाज किन्छु
ए नाथु स्रष्टा कविता नलेख
यो देश लुट्ने म हुँ कंस एक ।
यी कर्मचारी सब हात लिन्छु
को शत्रु मेरा सब झट्ट चिन्छु
मेरा कुरा लेखक हो नलेख
यो देश लुट्ने म हुँ कंस एक ।
काला र सेता धमिरा म पाल्छु
जो छन् विरोधी सब जेल हाल्छु
आतङ्क हत्या अनि बाँड्छु भोक
यो देश लुट्ने म हुँ कंस एक ।
०००
दमक, झापा
Subscribe
Login
0 Comments
Oldest
