नेपाली हास्यव्यङ्ग्य अनलाइन पत्रिका

टङ्कराज ढकाल तितेपाती :

धुन्धुकारी पसेका छन् यत्रतत्र जहाँ तहाँ
दलाली जो बनेका छन् इशाईको कहाँ कहाँ
भ्रष्टाचारी लुटेरा छन् सत्ताका धमिरा यहाँ
पारे खोक्रो स्वदेश नै बङ्गारा छन् तिखा जहाँ।१

आमाको शिर काटेर कोट भिर्छन् लिखा जहाँ
बाबाको भर काटेर नोट लिन्छन् उनै कहाँ
चोरीको खेल यो खेल्दै जुवाडे छन् यहाँ उहाँ
मौसमी चाल झैं चल्ने भरौटे भ्रष्ट छन् जहाँ।३

बन्धकीमा चल्यो देश लाज मान्ने छ को यहाँ
लज्जा छैन भनिन्छ के लाजनीति भयो कहाँ
नारामात्र उराल्दैछन् कात्तिके श्वान भै यहाँ
घारोकात्रो बटुल्दैछन् दाह्रानङ्ग्रा हुने यहाँ।४

नाङ्गो नाच चलेकोले उदाङ्गो दुष्ट कर्म हा
बाङ्गोटिङ्गो कतै बाटो पाटो बेचे कुकर्म हा
बाटोघाटो सबै थुन्ने आलाकाँचा तयार हा
सालासाली सबै पोस्ने नातागोता घमण्ड हा।५

भारी बोक्दै परायाको सङ्घीयता हुले यहाँ
टोले झोले फलाक्दैछन् कस्तो राम्रो प्रदेश हा
मण्डलेको रडाकोमा कुण्डले नाच्दछन् जहाँ
भाले गुण्डा समेट्दैछन् राजखानी घिचे कहाँ।६

पैसाको खोजमा डुल्ने आततायी हराम छन्
हन्तकाली घुयत्रोमा चुर्लुम्म यी हुँडार छन्
नाफाखोरी गलेटामा निर्लिप्त झैं उदार छन्
गुलामी र मलामीको चण्ड मुण्ड प्रकारछन्।७

०००
नवलपुर