नेपाली हास्यव्यङ्ग्य अनलाइन पत्रिका

खगेन्द्र नेउपाने :

हैन !
साह्रै पाे रिसायाै त
के रे ?
तिम्राे कुकुरलाई कुकुर भन्न नहुने रे ?
कुकुरलाई कुकुर भन्दा तिम्राे पाे इज्जत जान्छ रे ?
ए हजुर !
मैले भेट्टाएकाे यादृच्छिकता यस्तै छ
मैले सिकेकाे शब्दकाेश त्यही छ
म कुकुरलाई कुकुरभन्दा फरक केही देख्दिन
म कुकुरलाई कुकुरभन्दा अलग्ग केही देख्दिन ।
समयले विवसताले काेही कुकुरहरु
सडककै बासिन्दा भए हाेलान्
माैका र अवसरले काेही कुकुरहरु
दरबार चढे हाेलान्
साेफासिन भए हाेलान्
बडाघरकाे शाैख पूरा गर्न
नक्कली ओैकातकाे विज्ञापन छर्न
काराराेही बने हाेलान्
पैसा थाेपर्दैमा कुकुर महान हुँदैन
मालिक्नीले अंगाल्दैमा कुकुरले जात फेर्दैन ।
केही ब्राण्डेड कुकुरहरु गधा जस्तै छन्
केही ब्राण्डेड गधाहरु कुकुर जस्तै छन्
ब्राण्डेड कुकुरहरु मालिक सुँघीरहन्छ
मालिककाे काखमा उँघीरहन्छन्
ब्राण्डेड गधाहरु असमयमा भुक्छन्
समयमा मालिककाे ओतमा लुक्छन् ।
भैगाे
म
तिम्रो कुकुरलाई केही नभनाैला
बरु तिमी नै भन
तिम्रो कुकुुरलाई नेता भन
तिम्रो कुकुरलाई अभिनेता भन
ठेकदार प्रशासक वकिल विद्वान जे सुकै भन
तर
म
तिम्रो कुकुरलाई कुकुर भन्दा पर केही देख्दिन
भाे अब यस विषयमा केही लेख्दिन पनि
तिम्रो कुकुरलाई कुकुर भन्दिन अब ।

०००
गाैरादह, झापा