नेपाली हास्यव्यङ्ग्य अनलाइन पत्रिका

भीम गौतम :

विरक्तले हक्कानिएको रात
अहङ्कारले देश जलेको बेला
युग र युवा हेप्ने
लुटको गफि ठालु खडा छ ।
महामहिम महोदय
नसोध मलाई
तिर्मिराएका आँखा आँसुको मूल्य
देशनै खोसिन लागेको यो सङ्कटमा
माटोमै भाइरस रोप्ने दुर्नामीहरूले
वीरहरूले देखाएको
शिरको आदर्श र
हार्नै नहुने क्रान्तिको चिरागलाई
ठगहरूको बल मिचाई
निर्ममताले निमोठेर
इतिहासनै कुल्चिन आत्तुर हुँदै
लामवद्ध क्रियाशिल छन्
नक्कली तहविलदार लम्फुहरू ।

०००
चितवन, भरतपुर