नेपाली हास्यव्यङ्ग्य अनलाइन पत्रिका

सुरेशकुमार भट्ट :

हामी को हौं ?-
हामी बहादुर छौं ?
किनभने हामी मुर्ख छौं।
हामी मुर्ख छौं र त,
हामी बहादुर कहिन्छौं।
हामी सबै भेंडा हौं ?
त्यसैले त हामी भिड़ बनाउछौं।
हामी कुकुर हौं ?
तेही भएर खानकै लागि
लुरू लुरू मालिकको पछि लाग्छौं।
हामी विवेक हराएका पशु हौं?,
त्यसैले त नयॉँपुराना सबै भ्रष्टको पछिपछि
ताली पिट्दै हिंड्छौं।
हामी सक्कली अन्धा हौं ?
तेहि भएर पुराना र नयॉँदुवै ठग र
चोरलाई चिन्दैनौ र त पछि लाग्छौं।
हामी सबै दास हौं ?नत्र किन ठग र भ्रष्ट फटाहाहरूको
देवत्वकरण गर्छौं ?हामी लाचार छौं,
बाटोमा पलाएका घास हौं ?
तेहि भएर लुटेरा, ठग, भ्रष्ट माफिया नामका
नेताले राजनीतिक बाटोमा कुल्चदै कुल्चदै हिँड्छन्।
थुक्कः थक्कः छक्कः हाम्रो जुनी ?
बिचारै नगरी ठगलाई देउता भनेर पूजा गर्नी;
पछि पछि ऊसैको लाग्नी।

हामी गुहु र गोबर नचिन्ने ?
कालै देखेर रंग हेरेर
मुछ्ने र घर पोत्ने सपना देख्ने ? अनि ?
हाम्रो घर नगनाए कस्को गन्हाउँछ त
गोबरले पोत्ने को ?
चोरलाई चौतारी दिनी
साधुलाई सुली रोप्नी ?
हामी को हौं ?
बुध्दि र शुध्दि हराएको
जन्तु ।
हामी मान्छे नामको खलँती ?
जस्ले दाब्यो, धोयो फुक्यो
ऊसैको सास फेर्ने।
अनि भन,
यो मुलुक कंगाल नभए
बंगाल हुन्छ त ?

०००
काठमाडाैंं