नेपाली हास्यव्यङ्ग्य अनलाइन पत्रिका

अमर अधिकारी :

ओरालो उक्लिएर घर जान्छु
र,
गोठमा बाच्छो बाँधेर भैंसी दुहुन्छु
अनि
आयो नुन राखेको हलुवा पकाउँछु।
तपाईंलाई सम्झेर धुरुधुरु हाँसिरहेछु
खुर्सानी हालेर हिजो मीठो चिया पकाउँला
चपाउन आउनु
अपराह्नतिर,
थालमा चिसो कफी
ततपश्चात,
अलि पछि
तातो आइसक्रिम पनि घट्काउँला
दही पकाएर राख्नेछु
त्यसपछि
पानी भुटेर राख्नेछु
आफ्नो त,
पुस-माघमा पातलो तन्ना ओढ्ने बानी छ
गर्मीमा बाक्लो र डबल सिरक ओढ्ने बानी छ
नबिर्सिएर आउनुस्
एकजनाहरू।

०००
खुंग्री, रोल्पा। हालः बुढानिलकण्ठ, काठमाडौँ।