कुलप्रसाद घिमिरेसत्यको हार, झुटको सिंहासन
नारा सुनेर मुग्ध हुने भीडमा, साँचो विरोधी नै सिद्धिन्छ यहाँ। माटोको माया छाडेर जो गयो, तिनलाई नै देवता भनिन्छ यहाँ।
कुलप्रसाद घिमिरे :
सत्य बोल्नेहरूलाई हटाइन्छ यहाँ,
झुटका सिंहासन सजाइन्छ यहाँ।
इमान्दार पसिना बगाइ बस्छ,
कृपावादीलाई गाडी चढाइन्छ यहाँ।
जसले अँध्यारो हटायो धर्तीबाट,
उही उज्यालोबाट हटाइन्छ यहाँ।
मेरिटले होइन, चल्छ नाता र कृपा,
योग्यताले होइन, हाम्रालाई छानिन्छ यहाँ।
देश डुबाएर हाँस्नेहरूको भीडमा,
इमान्दारलाई मात्र रुवाइन्छ यहाँ।
कर्मले होइन, चल्छ भाषणको खेती,
ढोंगीहरूलाई मात्र सम्मान दिइन्छ यहाँ।
सपना बेच्नेहरू छन् राजा बनेका,
मेहनत गर्नेहरू लखेटिन्छ यहाँ।
नारा सुनेर मुग्ध हुने भीडमा,
साँचो विरोधी नै सिद्धिन्छ यहाँ।
माटोको माया छाडेर जो गयो,
तिनलाई नै देवता भनिन्छ यहाँ।
०००
सिद्धिचरण नगरपालिका ७, विगुटाटार
ओखलढुङ्गा
Subscribe
Login
0 Comments
Oldest
