नेपाली हास्यव्यङ्ग्य अनलाइन पत्रिका

खगेन्द्र नेउपाने :

अहिले जङ्गल छैन
गाईबस्तु कसैले हेर्दैन
भेडा पनि खरितेले शहर लगिसके
आफूसंग सुकाे छैन
गाउँकाे ब्याज अरुले नै ठगीसके
आउनुहाेस आफूआफू अघिसराैं
मननपरेकाकाे बाेलीमा
पाखुरा सुर्किएर
मन परेकाकाे लाेलीमा
फुरुक्क फुर्किएर
एउटा एउटाकाे ट्याग धराैं
धेरै भयाे मुख चिलाएकाे
एउटा घतिलाे गाली प्रतियोगिता गराैं ।

एकातिरकाले मेराे बा भनाैं
अर्कोतिरकाले एत्राे खा ला भनाैं
सकेसम्म छाडा खाेजाैं
स्वादिला शब्द राजाैं
लाजलागे लुकेर बाेलाैं
फ्याट्ट अप्ठ्यारा शब्द ढुकेर बाेलाैं
तेरीमा अर्काे पार्टीको छिमेकीलाई
घाेचेर बाेलाैं
पछि के हाेला भन्ने नसाेचेर बाेलाैं
सबैलाई फुर्सदै रहेछ
बिकार सबै ओकलेर स्वच्छ मन भराैं
धेरै भयाे मुख चिलाएकाे
एउटा घतिलाे गाली प्रतियाेगिता गराैं ।

समाजिक सञ्जालमा भरिएका गालीहरु
नेता अभिनेता
पत्रकार कलाकार
शिक्षक पुलिस
उद्योगपति कर्मचारी
सबैतिर छरिएका गालीहरु
सबै समेटाैं
नभेटिएकालाई पनि भेटाैं
सबै मेलाे मेटाैं
लाै हजुर ! लागिपराैं
धेरै भयाे मुख चिलाएकाे
एउटा घतिलाे गाली प्रतियाेगिता गराैं ।

०००
गाैरादह, झापा