युगल बसेलझोलेको झोलामा के छ ?
यही हो तिम्रो लोकतन्त्र ? प्रणाली विधि अलपत्र ! सुशासन छ खिचोलामा जुनी बित्यो तिम्रो झोलामा । लौ भन बन्धु, केके छ तिमीले भिर्ने झोलामा ? टुनामुना जादु मन्त्र छ मैले भिर्ने झोलामा ।.
युगल बसेल :
लौ भन बन्धु, केके छ
तिमीले भिर्ने झोलामा ?
टुनामुना जादु मन्त्र छ
मैले भिर्ने झोलामा
भो भो, मलाई नढाँट
घाम छेक्न हातले नआँट
निष्टा डढायौ सोलामा
पाउपोस बोक्दै झोलामा
लौ भन …
आफ्नै विवेक गुमायौ
कुन पथ तिमीले समायौ ?
स्वाभिमान मासा तोलामा
जुलुम छ तिम्रो झोलामा
लौ भन….
कि म परेँ भरम ?
कि छैन तिमीलाई शरम ?
इज्जत बगायौ खोलामा
बोकेर केके झोलामा
लौ भन …
रातलाई पनि दिन देख्छौ
होइन भन्नेलाई लखेट्छौ
मिल्कायौ निष्टा खौलामा
हुकुमियत बोकेर झोलामा
लौ भन …
दास मनोवृत्ति स्वीकार्यौ
आत्माको पुकार दुत्कार्यौ
जिब्रो थुन्यौ रे मोहोलामा
बेचेर आफूलाई झोलामा
लौ भन…
यही हो तिम्रो लोकतन्त्र ?
प्रणाली विधि अलपत्र !
सुशासन छ खिचोलामा
जुनी बित्यो तिम्रो झोलामा
लौ भन…
०००
सन्धिखर्क
Subscribe
Login
0 Comments
Oldest
