काशीनाथ मिश्रितरोबोर्ट कवि
कोही बनौला राष्ट्रकवि अनि श्रेष्ठकवि ! कोही घोषित हौला कविशिरोमणि ! यी मान्छे कविहरू अब कलम थन्क्याएर सुते हुन्छ लामो निद्रामा यस्तो नौलो संसारमा तिमी के टिक्न सकौला र ?
काशीनाथ मिश्रित :
ए कवि! नलेख् अब तैँले कविता
तैँले लेख्नेभन्दा कैयौँ गुना राम्रा
गहकिला, तार्किक र बौद्धि
भावुक एवम् मार्मिककविता
लेखिदिन्छ रोबोर्ट कविले !!
कृत्रिम बुद्धिमत्ताले अबको दुनियाँ
ह्रास गर्दैछ मानवीय मस्तिष्कको
धन्यवाद छ मान्छे तँलाई
रोबोर्ट कविबनाउन सकेकोमा
सक्कली र नक्कलीको पहिचान
कसले गर्ने हो अब?
जटिल बनेको छ यो प्रश्न !
निरुत्तर निरुत्तर !
रोबोर्ट कवि ! अब
तिमीहरूमा पनि कोही
घोषित हौला महाकवि
कोही बनौला राष्ट्रकवि अनि श्रेष्ठकवि !
कोही घोषित हौला कविशिरोमणि !
यी मान्छे कविहरू अब
कलम थन्क्याएर सुते हुन्छ लामो निद्रामा
यस्तो नौलो संसारमा तिमी के टिक्न सकौला र ?
०००
गुल्मी
२०८१ माघ १९ गते
Subscribe
Login
0 Comments
Oldest
