नेपाली हास्यव्यङ्ग्य अनलाइन पत्रिका

खगेन्द्र नेउपाने :

पैल्हे हुन्थ्याेअहा ! घरैघर मिठाे पक्वान्न नाना थरी
चेली आउँदथे सुसङ्गीत छरी हाँसखेल ठट्टा गरी
पाक्थ्याे मग्मग भै स्वादिष्ट ढकने राेटी मिठाे तेलमा
ऐलेकाे तीज ता कसाे हुन गयाे डिस्काे र हाेटेलमा ।

बर्षाकाे घनघाेर बादल झरी झेलेर याे जीवन
साह्रा श्रृष्टि उतुङ्ग भाे धरणीमा पक्री हरियाे पन
हामी उत्सवकाे तयारी गरदै थाल्याैं नयाँ खेलमा
ऐलेकाे तीज ता कसाे हुन गयाे डिस्काे र हाेटेलमा ।

बेला माैसम उघ्रियाे शरदीय ढाेका खुल्याे विश्वमा
सेता बादलका कतै दलहरु देखिन्छ छिन्छिनमा
बिसाईकन कर्मका पल सबै लाग्याैं ठेलम्ठेलमा
ऐलेकाे तिज ता कसाे हुन गयाे डिस्काे र हाेटेलमा ।

नाना बस्त्र भिरी अनेक् तरहका झुण्ड्याइ लङ्कार ती
कस्ताे पाैरख लाै गरेर यसरी जाेड्छन् हरे सम्पति
काेही छन् मदमस्तीमा अनि कति काेचिएका जेलमा
ऐलेकाे तिज ता कसाे हुन गयाे डिस्काे र हाेटेलमा ।

पैल्हा सानू छँदा गइन्थ्याे दिदी घर् झेल्दै भदाैरे झरी
कस्तो हृदयनै प्रफुल्लित हुने चाड् हुन्थ्याे गावैंभरि
कस्तो हिम्मतथ्याे साहसिलाे हुँदै तर्थ्याैं खाेला भेलमा
ऐलेकाे तिज ता कसाे हुन गयाे डिस्काे र हाेटेलमा ।

०००
गाैरादह, झापा