नेपाली हास्यव्यङ्ग्य अनलाइन पत्रिका

उत्तम विचार :

फेर्‍रौँ व्यवस्था छ उही अवस्था
नारा लगाएर हुँदैन सस्ता ।
जसोतसो प्राण त धानिँदै छ
प्रयोगशाला किन ठानिँदै छ ।।१।

खन्ने यहीँछन् अनि पुर्छ कोही
ठानी सिनो देश भर्कुछ कोही ।
निको विदेशी पनि छैन चाला
नेपाल बन्दै छ प्रयोगशाला ।।२।

झोसेर आगो घरको खरानी
बेच्नेहर हुन् अति बेइमानी ।
मात्रै छ बाँकी अब हाडछाला
बनाइयो देश प्रयोगशाला ।।३।

के हुन्छ साकार सिकार मानी
खाए मिली देश दुख्यो नठानी ।
ताकेर घोचीकन तीक्ष्ण भाला
नहोस् कठै देश प्रयोगशाला ।।४।

बेचेर उद्योग मिलेर खाए
मागेर खाने सुबिधा दिलाए ।
निभे दियो व्यर्थछ बाल्नु पाला
बन्दै छ यो देश प्रयोगशाला ।।५।

आयात ज्यादा गरिँदै छ वस्तु
निर्यातको शून्य हुँदै छ अस्तु ।
मासेर अस्तित्व रहन्न शेष
प्रयोगशाला नबनोस् स्वदेश ।।६।

पाखा लगाई सब राष्ट्रघाती
जुटे युवा उठ्दछ देश माथि ।
तोडौँ भिरी हुन्न सदैव ताला
नहोस् भनी देश प्रयोगशाला ।।७।

०००
काठमाडाैं