नेपाली हास्यव्यङ्ग्य अनलाइन पत्रिका

हरिप्रसाद रिमाल :

लेखे र मात्रै कविता कलेवर
बन्ला र राम्रो कवि भाव होस् वर
उत्फुल्ल होस् काव्यसुधा सरोवर
झैँ देवकोटा कवि हुन्छ उर्वर।।१

उद्दीप्त हुन् शब्द अमोघ भावका
सद्ज्ञानका सागर दीप्त चित्तका
को लेख्न सक्थ्यो कविता सुखप्रदा
हुन् देवकोटा कवि-रश्मि सर्वदा।।२

लेखोस् पढोस् काव्य अनेक जोसले
देखाउँदै नित्य घुमोस् विवेकले
हुन् काव्यका चाङ अनेक वेगले
के बन्न सक्ला कविमात्र शब्दले।।३

यी देवकोटासरि भावना बगून्
साहित्यका नौ रस मर्ममा पुगून्
होलान् सबै काव्य सुखानुभूतिका
झैँदेवकोटा बनिऊन् क्षुधा-तृषा।।४

हे देवकोटा! अब देशभित्रका
उत्साह देऊअनमोल काव्यका
हामी सधैँ सेवक हौँ सिकाउनू
बस्दै यहीँ भाव नयाँ दिलाउनू।।५

०००
झापा