नेपाली हास्यव्यङ्ग्य अनलाइन पत्रिका

डा. छायादत्त न्याैपाने :

खाइरन्छ एकाेहाेराे खन्चुवा याे साँढे
आफै एक्लै घाँस खान ढुक्रिदिन्छ साँढे
ढलक-ढलक यताउता सिङ उध्याउँदै आछ
दाउपेच मिलाएर देश खाँदै गाछ

क्वाप्पै खायाे सुशासन बाँकी घुसखाेरी
जान्ने सुन्ने मै हुँ भन्छ पाटी पौवा चाेरी
साँढे जुधाइ बाच्छाे मिचाइ देश राइँदलाेमा
आमा साख बेची खाने सत्ता विलासीमा

गर्नु छैन कामधन्दा कमिसनको खेल
ठगी खाने ज्ञानसिप उस्तै जालझेल
छलछाम बुझी गर्ने शरणार्थी स्वाद
गिरीबन्धु ओम्नी साथी बेचेनझा राज

जग्गा जमिन सुकुम्बासी खेलसँगै खेल्ने
अराइसिकाइ झैझगडा खानपिन मिल्ने
आज न हाे सासू मान्ने भाेलि तिम्रै पालाे
आलाेपालाे मिलाइदिने माफियाको जालाे

पिर लिने शिर दिने हामी आफै कस्ता
शक्तिशाली जनता नि भयौं कति सस्ता
इमान जमान कर्मयाेग नचिन्ने छ बानी
फटाहालाई शासन गर्न दिइरहने हामी ?

०००
पर्वत, हाल- काठमाडाैं