नेपाली हास्यव्यङ्ग्य अनलाइन पत्रिका

कहाँबाट नौलो सूत्र आयो लोकतन्त्र
शब्दकोशले नयाँ शब्द पायो लोकतन्त्र

सत्तातन्त्र, सडकतन्त्र हिंसातन्त्रपछि
गाउँघर शहर बजार छायो लोकतन्त्र

जनतन्त्र, प्रजातन्त्र नपुगेर हो कि
पूर्व छोडी दक्षिणबाट उदायो लोकतन्त्र

वाद खोज्दै वादी बन्ने लहर चलाउनेले
गुरुमन्त्र आजभोलि बनायो लोकतन्त्र

गोरखपुर र काशी जाने गोर्खालीलाई
छिमेकीले उपहार पठायो लोकतन्त्र

परनिर्भर भै बाँच्ने बानी परेपछि
भोको पेट अघाउन्जेल खायो लोकतन्त्र

दोष गल्ती दागहरू पखालिने भए
गायत्रीझैँ जसले पनि गायो लोकतन्त्र ।
नेपालगञ्ज, बाँके