नेपाली हास्यव्यङ्ग्य अनलाइन पत्रिका

भन्छन्– भात त जसले पनि पकाउँछ
तर पनि थकालीको स्वाद फरक छ
भन्छन्– डक्टर त बाबुराम नि छन्
तर उपेन्दको उपचार बेग्लै छ ।

भन्छन्– राजनीति त सबै नेताले गर्छन्
तर निस्वार्थी नेता पाउन गाह्रो छ
भन्छन्– फुटबल त सबै देशले खेल्छन्
तर पनि ब्रह्माण्डलाई नै जिल्याउने
ब्राजिलको जस्तो खेल्न गाह्रो छ ।

भन्छन्– खेलमा जसले सबैलाई जिल्ल पार्छ
त्यो ब्राजिल नै हो
भन्छन्– जसलाई पनि जिल्लाराम पार्ने
कोही छ भने त्यो ब्राजिल नै हो ।

भन्छन्– ब्राजिलको विपक्षमा बाजी राख्नेहरू
नराम्रोसँग जिल खान्छन्
खेल्न हेर्न मजा छ, बुझ्न गाह्रो छ
ब्राजिल बिनाको वल्र्डकप पनि के कप हो र ?
ब्राजिलसँग कप खोस्न जसलाई पनि गाह्रो छ ।

फुटबल भनेको ब्राजिल हो
अनि ब्राजिल भनेको फुटबल हो
ब्राजिलसँग खोसे वल्र्डकप लैजान्छु भन्ने
यो धर्ती एकनम्बर लठुवा हो ।
काठमाडौं