पदम भण्डारीकहाँ पास हुनु !
किताब मात्रै पढेर कहाँ पास हुनु
थोरै चिट नचोरेर कहाँ पास हुनु !
प्रश्नपत्र देख्दाखेरी उड्छ होस पनि
एकएक पाठ घोकेर कहाँ पास हुनु !
भन्छन् चिट चोर्नु भन्दा नलेखेकै जाती
केही पनि नलेखेर कहाँ पास हुनु !
गर्नैपर्छ मेहनेत थोरै हामीले पनि
पढ्नेबेला सुतेर कहाँ पास हुनु !
हेर्नैपर्छ दाँया बाँया यसो अलिअली
मूर्तिजस्तै बनेर कहाँ पास हुनु !
सरकार त जनतालाई ढाँट्दै हिँडेको छ
हामीले पनि नढाँटेर कहाँ पास हुनु !
Subscribe
Login
0 Comments
Oldest
