नेपाली हास्यव्यङ्ग्य अनलाइन पत्रिका

कहिले भोकाको जस्तो कहिले अघाको जस्तो
आउँछन् याद पनि कहिल्यै आउन नपाको जस्तो ।

कसैले सिङ्गो जिन्दगी दिन्छु किन नभनोस्
तर हुँदैन उस्ले दिने माया आमाको जस्तो ।

मालिक हुनुको कठिनाइ त्यो बेला थाहा हुन्छ
आयो भने जिम्मेवारी टाउकोमा बाबाको जस्तो ।

नानी बाबुहरू बिहानै उठेर के गर्छौ ब्यर्थै
सरकार त भएको छ यहाँ निदाको जस्तो ।

सडकदेखि सदन र सरकारसम्म हेर्नुहोस् न
झगडा देखिन्छ अनाथ बच्चाको जस्तो ।

खगेनकोट– ९, मंसिरी, जाजरकोट