यादव खरेलदुईवटा फुस्सा
जनता
मूर्खहरूको एउटा भीड हो
परेको बेलामा ताली बजाउने
प्रजातन्त्र र देशभक्तिको नाममा
पार्टीहरूले सकेसम्म कजाउने
यिनकै लाममा सत्तामा बस्नेहरूले
भ्याउञ्जेल बजाउने ।
भाषण
म भाषण ओढ्छु,
भाषण ओछ्याउँछु,
भाषण खान्छु
भाषण पीडित नेपाली म
नेपालमा सबभन्दा यही नै सस्तो लाग्छ
अब त सडकमा
माग्नेले गरेको विलाप पनि
बौलाहाले गरेको प्रलाप पनि
मन्त्रीज्यूकै भाषण जस्तो लाग्छ ।
कुमारीगाल, काठमाडौँ
Subscribe
Login
0 Comments
Oldest
