नेपाली हास्यव्यङ्ग्य अनलाइन पत्रिका

यहाँ छोराछोरी सहजै जन्मिन्छन्
बाबु बन्न सजिलो छ
छोराले कर्तव्य बुझ्लान् नबुझ्लान्
बाबुको जिम्मेवारी गहन छ
साना छउन्जेल कोख्याई कोख्याई गर्यो
ठूला भएपछि मार्लान् भन्ने डर छ
३६५ दिनमा १ दिन मात्र राम्रो गरेर के गर्नु
अरू दिन चाहिँ बाआमाको मन रोएको छ
ज्यूँदामा बाआमालाई केही गर्न
नभ्याएका छोराहरूको लाईन आज हेर्नुस्
जोरपाटीदेखि गोकर्णसम्म लागेको छ
प्रियजनहरू यी हात जोडी म विन्ति गर्छु
बाआमा ज्यूँदै छँदा सेवा गर्नूस्
मरेपछि गर्नु सब बेकार छ
छोराछोरीलाई सत्मार्ग हिँडाउनुहोस्
त्यो उनीहरूको अधिकार र
हजुरको कर्तव्य हुनेछ
आज तपाईं कर्तव्यनिष्ठ छोरा बन्नुस्
भोलि पक्कै कुशल बाबु बन्नुहुनेछ
अनि बाबुको मुख हेर्न कुशेऔंशी मात्र हैन
सधैं बाबुको बिम्ब आँखा र हृदयमा पाइन्छ ।

काठमाडौं