मरुभूमि नारायणबिक्रिमा छ !
यो सडक अनि यो चोक बिक्रिमा छ
हो यही चोकमा सबथोक बिक्रिमा छ ।
उधारोमै लैजाउ भो बैना चाहिँदैन
गरीबका बस्तिमा भोक बिक्रिमा छ ।
दौडिरा’छ संसार पनि पैसाकै पछाडि
यो दुनियाँ यो पूरै लोक बिक्रिमा छ ।
धरौटीमा अपराधीलाई रिहा गरिन्छ
कानुन अनि रोकतोक बिक्रिमा छ ।
सुनेको छु भाडामै बच्चा जन्माइन्छ रे !
साँच्चै के आमाको कोख बिक्रिमा छ ?
जाजरकोट
Subscribe
Login
0 Comments
Oldest
