नेपाली हास्यव्यङ्ग्य अनलाइन पत्रिका

जीवन यो के जिएँ बुझ्न मलाई नै गारो भो
जसलाई आफ्नो ठानेँ उसैलाई नै म घाँडो भो
आफ्नै आँगन नि आज मलाई बिरानो भो
शिक्षा पाएँ सैद्दान्तिक काम गर्न गारो भो
काम क्यै नपाएपछि विदेशतिरै लागेकै हो ।

न सीप छ हातमा न कोही छ परदेशमा
जिन्दगी मेरो कसले खायो यो देशमा
नेतालाई गारो पर्दा जुलुसमा गएकै हो
महंगी बिरोधमा सामेल भएकै हो
वनदेखि शहरसम्म बन्दुक बोकेकै हो
हिजो म बेकामे भएर भोकै बसेकै हो ।

कस्तो सजाय दियौ प्रभु
मेरो देश कल्पनामै सीमित भो
हामी युवा विदेशमै अस्तव्यस्त
बूढा नेताहरूलाई यो देश
बूढो साँढेले गाई ओगटे जस्तो भो
सुन्दर शान्त र भव्य यो देश
उनीहरूकै कारण कुहिएको भोगटे जस्तो भो !
काठमाडौं