नेपाली हास्यव्यङ्ग्य अनलाइन पत्रिका

समय कस्तो हो बुझ्नै नसकिने भो
आफ्नो रीत र परम्परा सबै कता गो
हाम्रा सरस्वती पूजा पनि बिर्सिइने भो
क्रिसमसले देशैभरी मेरी क्रिसमस मनायो ।

पूर्वीय दर्शनका हामीलाई पूरै पश्चिमा बनायो
आफ्ना दर्शन छोडी अरूमै मन भुलायो
विदेशीको समयमा दिनमा एकै पटक बज्ने
नेपालीको समयमा दुई पटक बाह्र बज्ने ।

काम गर्न गारो हुने खानलाई निहुँ चाहिने
दुख किन गरी रहने बसी बसी खान पाइने
सिको गर्नै परेपछि किन राम्रो कुराको गरौँ ?
देश बनाउने अठोट भए किन हातेमालो गरौँ ?

हाम्रा आफ्नै चाड पनि के चाड हुन् र !
बरु विदेशकै चाडबाडको मान मनितो गरौँ
सक्कली जमानाले हावा खाइसक्यो हजुर
देखासिकी सब नक्कली, अब त नक्कल मात्र गरौँ ।
काठमाडौं