नेपाली हास्यव्यङ्ग्य अनलाइन पत्रिका

१. धान मन्त्री प्र. थपेर पालैपालो खाए !
झगडिया तिनै अरे ! अचम्मै भो ! हरे !

२. गृह अर्थ पालै पालो यी वर्षमा खाए !
बाझाबाझ तिनैको रे ! अचम्मै भो ! हरे !

३. समितिका समितिमा पालैपालो बसे !
मुक्कामुक्की खुलेआम ! अचम्मै भो ! हरे !

४. सत्ता भत्ता भेट्ने वीर इतिहास बन्ने !
भनाभन ! हानाहान ! अचम्मै भो ! हरे !

५. विदेशको हितु बन्ने पालापालो छ रे !
अहिले को ? प्रश्न भयो ! अचम्मै भो ! हरे !

६. जो होस् ! जे होस् ! टाँसिनु र गाँसिनु छ ! छ ! छ !
त्यसो गर्दा जे त भनुन् ! अचम्मै भो ! हरे !

७. कस्तो हल्ला ! कस्तो स्वर ! कस्तो चर्को रन्को !
हल्ला खेती कति स्वादे ! अचम्मै भो ! हरे !

८. कस्तो व्यस्त ! कस्तो भेला ! कत्रा कत्रा गोष्ठी !
यो देशको पारा चाला अचम्मै भो ! हरे !
झर्रो नेपाली घर, चन्द्रगढी झापा