नेपाली हास्यव्यङ्ग्य अनलाइन पत्रिका

देश त सारैै भद्रगोल भो
नेताको नाटक पनि अति भो
जात्रै जात्राको यो मुलुकमा
जात्रा नै हाम्रो चिनारी भो ।

कहिले गाईजात्रा त कहिले भोटोजात्रा
कहिले ईन्द्रजात्रा त कहिले घोडेजात्रा
जात्रामा उपत्यका मात्रै बिदा किन ?
अब त गधाजात्रा पनि गरे हुन्थ्यो
उपत्यका मात्र हैन संसदै बिदा दिए हुन्थ्यो !

यी आफै खच्चर र घोडा हुन्
यिनले देश राम्रो नबनाउने भए
तिनलाई हिमाली क्षेत्रको यातायात बनाए हुन्छ
न तेल चाहिन्छ, न गाडी चाहिन्छ
ढुटो र पिठो मात्रै भए पुग्छ
अनि नेपालमा घोडेजात्रा मात्र हैन
गधाजात्रा पनि सुपरहिट हुनसक्छ ।
काठमाडौ