नेपाली हास्यव्यङ्ग्य अनलाइन पत्रिका

गाउँमा जन्मे, पहरामा हुर्कें
थाहा थिएन कहाँ थियो मेरो देश
बढ्दै गएँ पढ्दै गएँ
हिमाल पहाड तराई रहेछ मेरो देश
हिमालमा झर्छ, पहाडमा बग्छ
तराईमा सिँचिन्छ मेरो देश
सपुत छोराहरू बीचैमा मारिन्छन्
कपुतहरूले शासन गर्छन् मेरो देश
महिला र पुरूष, धनी र गरीब बीच
अन्यौलमा रूमल्लिएको मेरो देश
युवाहरूलाई बिदेश धपाएर पितृ नेताले
रेमिटेन्स खाएर बाँचेको मेरो देश
बृद्ध आमाबालाई गाउँमा रूवाएर
सहरमा नेताहरूलाई हँसाउछ मेरो देश
धान उत्पादन कमी हुने भो रे यो वर्ष
लौका र स्कुस खाऊ भन्ने मन्त्री दिने मेरो देश
अरू त अरू के भन्नु पर्यो र खै
म जस्तो बकम्फूस व्यक्ति जन्माउने पनि मेरो देश !
काठमाडौं