नेपाली हास्यव्यङ्ग्य अनलाइन पत्रिका

के फुर्ति गर्छौ ? खाने दाल भात नै हो
जे गर्नु गर जानेको तिमीले घात नै हो ।

संघीयता, समाजवाद, साम्यवाद सब सुनियो
अन्त्यमा जनताले पाउने लात नै हो ।

कालापानीमा फाटेको छाती लिपूलेकमा डड्यो
जति ठूला कुरा गर तिम्ले खोजेको जात नै हो ।

दिन भरि राष्ट्रियताका गीत गाएर
तीनतारे होटलमा वार्ता गर्ने रात नै हो ।

समावेशीपन पनि देखियो टेवलमुनिको लेनदेन
जित न हार माथि पर्ने तिम्रो हात नै हो ।

राजनीति गर्न मुड्की चाहिन्छ नभनेको मात्र
अन्त्यमा तिमीले चाहेको पैसाको खात नै हो ।