नेपाली हास्यव्यङ्ग्य अनलाइन पत्रिका

१.

रोबटहरू यहाँ मानिस हुन खोजेर हैरान छ
सिल्बरहरू यहाँ जिनिस हुन खोजेर हैरान छ
केके मात्रै भनूँ ! भन्दै जाने हो भने दिनरात बितेको पत्तो हुँदैन
अलकत्राहरू यहाँ पालिस हुन खोजेर हैरान छ ।

२.

कालो मान्छे भेट्दा कालै हुनुपर्ने रहेछ
रातो मान्छे भेट्दा रातै हुनुपर्ने रहेछ
आफूले त रङ फेर्न जानिएन हजुर ! सधैँभरि एउटैमा रमाइयो
पहेँलो मान्छे भेट्दा पहेँलै हुनुपर्ने रहेछ ।
हेटौडा, मकवानपुर