नेपाली हास्यव्यङ्ग्य अनलाइन पत्रिका

१.साँढे

महादेवको वाहन मात्र हैन
प्रत्येक घण्टा घण्टामा बज्छ साँढे
कोही मर्दा पनि डामेर छोड्छन्
अरूले रोपेको बाली नष्ट पार्छ त्यै साँढे
गाउँभरीका गाईसँग मस्त चर्छ
कोही आए सिंगौरीले तर्साउँछ साँढे
सडकदेखि सदनसम्म डुक्रन्छ
छिमेकीको भरमा मालिकलाई हान्छ साँढे
भुकम्प पीडितको राहत हसुरेर
पीडितलाई नै बुख्याँचा बनी झस्काउँछ साँढे
सदनमा कुर्सीदेखि जुत्ता फाल्छ
बाहिर निस्क्यो पाल तान्छ त्यै साँढे
जस्ता खान्छ, बत्ती खान्छ
आजको आधुनिक डियर साँढे ।

२.बाँकी के नै छ ?

जातले मात्र हुन्न यहाँ
नेपाली मन हुन जरूरी छ
जात त पटक पटक फेर्यौं देशमा
तर पनि सोचमा परिवर्तन जरूरी छ
बिकासको त कामै छैन यहाँ
शान्ति र सद्भाव ल्याउन बाँकी छ
राणा फेर्यौ शाह फाल्यौं
तर पुरातन सोच फेर्न बाँकी छ
जनतालाई भेडो बनाउनु बनायौँ
पुराना नेतालाई बिदा गर्न बाँकी छ
लुट्नु लुट्यौ देशलाई नेता
कुटेर तिमीलाई लखेट्न बाँकी छ
के रह्यो र बाँकी देशमा यहाँ
सिर्फ “हमारा भारत महान् है“ लेख्न बाँकी छ ।

काठमाडौं