नेपाली हास्यव्यङ्ग्य अनलाइन पत्रिका

१.
बिउँझने बित्तिकै अनेक कामको सम्झना हुन्छ अचेल
देशबाट अस्ताउँदै गएको घामको सम्झना हुन्छ अचेल
कैलाशमा महिनौं अघिदेखि भब्य तिज मनाई रहँदा
जन्ती र मलामी नपाइने गामको सम्झना हुन्छ अचेल !

२.
अरू सब रावण आफूलाई राम सम्झने
हरपल जपिरहुन् आफ्नै नाम सम्झने
हुँदारहेछन् हिउँ जस्तै चिसो मान्छे यहाँ
आफूलाई पुषको पारिलो घाम सम्झने !

३.
जब तिमीले रूक्मिणी र राधा बनायौ
रंगिन सपना, पलभरमै साधा बनायौ
म त सिगै चाहन्थे नि कृष्ण तिमीलाई
किन तिमीले स्वयंमलाई आधा बनायौ ?