नेपाली हास्यव्यङ्ग्य अनलाइन पत्रिका

क) वीर अस्पताल
वीर तालमा
हरताल गर्दै
काल युद्द लडेका
वीरहरूलाई लखेटेर
टुँडीखेलमा रागो चराउँदै
बल्छी खेलिरहेको
बुढो यमराज ।

ख) यौवन
सिपिक्क परेका प्यान्टहरू हँुदै
चिपिक्क परेका सेल्याक्समा
यौवन त्यो पोखियो
पापी आँखाहरू
पोखिएकै ठाउँ ठोकियो ।

टाँस्सएका हाफ प्यान्टबाट
आकासिएका स्कर्ट हुँदै
पारदर्शी समिजहरूमा
यौवन त्यो कस्सियो
लोभी नजरहरू
कस्सिएकै ठाउँमा धस्सियो ।

ग) बाघ खाने मान्छे
आजकाल
बाघ मान्छेमा भन्दा
मान्छे
बाघमा सल्केको छ
हात्ती गैँडामा भन्दा
मान्छे
बाघमा पल्केको छ
एक थरी मान्छले
बाघ बचाउ भनि कराउँछन्
अर्को थरी मान्छले
बाघ दिनहु हराउँछन् ।

दाङ, हाल : काठमाडौं