धनराज गिरीमनका कैदी फरार होलान् कति
फूल सँगै प्रणयका ब्यपार होलान कति
दिल तोडेर मनका कैदी फरार होलान् कति ।
भावनामा अर्थतन्त्र लागु भए पछि,
होलसेलैमा मुटु बेच्ने बजार होलान् कति ।
ऋतु सँगै परिवर्तित मनका बगैचामा
हाँसो पछि आँसु फूल्ने बहार होलान् कति ।
पत्थर दिल र माटाको मन मिलन हुँदा जब
भूकम्पले नहल्लिने दर्बार होलान् कति ।
सुरक्षाको घेरा तोडी गुलाव ताक्नेहरु
काँडासँग चिथोरीन तयार होलान् कति ।
भारपा- ८, पाँचथर
हाल मलेसिया
Subscribe
Login
0 Comments
Oldest
