नेपाली हास्यव्यङ्ग्य अनलाइन पत्रिका

सम्माननीय राष्ट्रपति भन्नुहुन्छ 
देशमा भ्रष्टाचार छ
सम्माननीय प्रधानमन्त्री भन्नुहुन्छ {{read_more}}
देशमा भ्रष्टाचार छ
प्रतिपक्षी नेताले,
एताले तेताले सबैले भन्नुहुन्छ
देशमा भ्रष्टाचार छ
हैन, त्यो भ्रष्टाचार चैं बस्छ कहाँ ?

सुन्नु हुन्छ ? 
त्यो भ्रष्टाचार कहाँ बस्छ ?
ल सुन्नुहोस्
भ्रष्टाचार इस्टिमेटमा छ
भ्रष्टाचार डि पि आरमा छ
भ्रष्टाचार खरिद बील बजेट र ब्यापारमा छ ।
भ्रष्टाचार कमिसनमा छ
सेवग्राहीलाई अनावश्यक दुख दिने मिसनमा छ
नियम भूत देखाएर
साउनदेखि चैतसम्म झुलाउँने नियतमा छ
अधिकारीको इधर उधर कैफियतमा छ
पाइला पाइलामा छ भ्रष्टाचार ।

मेयर साबको कमजोरीमा छ
इन्धन तेल चोरीमा छ
एक चौथाई मात्र भ्याट तिर्ने ब्यापारीमा छ
ठूला बडाको सवारीमा छ
ढिला सुस्तीमा छ
पक्ष प्रतिपक्षको कुस्ता कुस्तीमा छ
रिक्सा ठेलामा छ
देश विदेश यात्राको झमेलामा छ
पानीमा छ बिजूलीमा छ
तमर काबेली र त्रिसुलीमा छ ।

सबैको अङ्गालोमा
हर नदीको भङ्गालोमा
लुटको गीत विरुद्धको गालीमा
गालीको विरुद्ध बजाइएको तालीमा
हर गल्लीमा
सुनमा नुनमा 
यत्र तत्र सर्वत्र छन भ्रष्टाचारकै धूनमा 
जहाँ न पहुँचे तमोहारी
वहाँ पहुँचे भ्रष्टचारी ।
त्यसैले
आदरणीय श्रद्धेय
नेतागण आफ्नू भाषणमा भन्नुहुन्छ
देशमा भ्रष्टाचार छ
तर
भ्रष्टाचार अन्त्य गर्ने कस्ले ?

गाैरादह, झापा