नेपाली हास्यव्यङ्ग्य अनलाइन पत्रिका

एक
वकिल (झोक्किदै) तिम्रो अनुहार बदमासको जस्तो देखिन्छ नि ।

अपराधी (गम्भीर हुँदै) मेरो अनुहारले ऐनाको काम गर्छ भन्ने मलाई अहिलेसम्म थाहा थिएन हजुर ।

दुई
केटा र केटी प्रेमविवाह गरेर फर्किरहेका थिए । बाटामा एउटी केटी भेट्टिई । पतिले त्यो केटीसँग एक्लै कुरा गर्‍यो । अलि पर अर्को केटी भेट्टिई, ऊसँग पनि धेरैबेर कुरा गर्‍यो ।

त्यसपछि स्वास्नीले खप्न नसकी सोधिहाली-
“ती को हुन् ?”
पतिले भन्यो- “हरे, तिनीहरू पनि त त्यही सोधिरहेका थिए कि तिमी को हौ ?”

तीन
डिठ्ठाबाजे अफिस जाँदा मगन्ते केटाले भन्यो- एक सुका पाऊँ हजुर । उसलाई सम्झाउँदै भावुक भएर उनले भने- यो उमेरमा त तिमीले स्कुल पो जानुपर्ने बाबु ।

मगन्ते : (निराश हुँदै) त्यहाँ पनि गएको थिएँ, तर कसैले एक पैसा पनि दिएनन् हजुर ।

चार
– ए काका ! यो एकाबिहानै किन सुती-सुती चिया खान लाग्नुभएको ?
– के गर्नु, डाक्टरले बिहान उठेर चिया नखानुहोला भनेको छ !

०००
मुस्कान/ २०४१/ चैत्र, वैशाख, जेठ/ एघारौं अवतार सङ्कलन