मरुभूमि नारायणभो फिर्ता लैजा
खान्न म तेरो बासी भात भो फिर्ता लैजा
चाहिन्न त्यो अँधेरो रात भो फिर्ता लैजा ।
छुन तँ नेपालीको पाउ छुने कुरा गर्छस्
गोप्याङ्ग छुने तेरो हात भो फिर्ता लैजा ।
हामीलाई हाम्रो स्वाभिमान प्यारो लाग्छ
हरियो त्यो घाँसको खात भो फिर्ता लैजा ।
कुइरिनीको कुइनोमा कुस्ती खेले पछि
देखाको तेरो उन्मत्त मात भो फिर्ता लैजा ।
अगि घाँस देखाउने पछि पाता फर्काउने
घात गर्ने त्यो रुखको पात भो फिर्ता लैजा ।
विदेशीद्वारा किनिए पागल सज्जन चिनिए
हामीलाई नपच्ने राष्ट्रघात भो फिर्ता लैजा ।
तनहुँ, कला सञ्चार
Subscribe
Login
0 Comments
Oldest
